SikhDiary

ਰਾਮਪੁਰਾ : ਪੰਜਾਬੀ ਮਾਂ ਬੋਲੀ ਸਤਕਾਰ ਕਮੇਟੀ ਦੇ ਆਗੂ ਅਤੇ ਪ੍ਰਸਿੱਧ ਸਮਾਜ ਸੇਵੀ ਲਖਵੀਰ ਸਿੰਘ ਲੱਖਾ ਸਿਧਾਣਾ ਵੱਲੋਂ ਹਲਕੇ ਮੋੜ ਤਹਿਤ ਬਲਾਕ ਰਾਮਪੁਰਾ ਦੇ 4 ਪਿੰਡਾਂ ਵਿੱਚ ਕਿਸਾਨ ਮਜ਼ਦੂਰਾਂ ਨਾਲ ਮੀਟਿੰਗ ਕੀਤੀ ਗਈ। ਇਸ ਦੌਰਾਨ ਬੋਲਦਿਆਂ ਲਖਾ ਸਿਧਾਣਾ ਨੇ ਕਿਹਾ ਕਿ ਦਿੱਲੀ ਵਿੱਚ ਕਿਸਾਨ ਮੋਰਚਾ ਆਪਣੇ ਸਿਖਰ ਤੇ ਪਹੁੰਚ ਗਿਆ ਹੈ ਅਤੇ ਅੰਦੋਲਨ ਦੀ ਸਫਲਤਾ ਹਰ ਪੰਜਾਬੀ ਦੀ ਮੋਰਚੇ ਵਿੱਚ ਸ਼ਾਮਲ ਹੋਣ ਦੀ ਮੁੱਖ ਮੰਗ ਹੈ। ਉਨ੍ਹਾਂ ਕਿਹਾ ਕਿ ਇਸ ਲੜਾਈ ਨੂੰ ਜਿੱਤਣ ਲਈ ਜਵਾਨਾਂ ਦੇ ਉਤਸ਼ਾਹ ਦੇ ਨਾਲ ਬਜ਼ੁਰਗਾਂ ਦਾ ਤਜ਼ੁਰਬਾ ਵੀ ਮਹੱਤਵਪੂਰਨ ਹੈ ਅਤੇ ਸਿਰਫ ਸਬਰ, ਸੰਤੋਖ਼ ਅਤੇ ਜਿੱਦ ਨਾਲ ਹੀ ਲੜਾਈ ਜਿੱਤੀ ਜਾ ਸਕਦੀ ਹੈ।ਲੱਖਾ ਨੇ ਕਿਹਾ ਕਿ ਪੰਜਾਬੀਆਂ ਨੂੰ ਸਿਰਫ ਕੈਪਟਨ ਅਮਰਿੰਦਰ ਸਿੰਘ ਅਤੇ ਬਾਦਲ ਪਰਿਵਾਰ ਨੂੰ ਛੱਡ ਕੇ ਕਿਸਾਨੀ ਲਹਿਰ ‘ਤੇ ਧਿਆਨ ਕੇਂਦਰਤ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਬੱਸਾਂ ਪਿੰਡਾਂ ਵਿੱਚ ਭੇਜਣਗੇ ਅਤੇ ਲੋਕਾਂ ਨੂੰ ਇਨ੍ਹਾਂ ਬੱਸਾਂ ਵਿੱਚ ਬੈਠ ਕੇ ਦਿੱਲੀ ਪਹੁੰਚਣ ਲਈ ਆਪਣੀਆਂ ਤਿਆਰੀਆਂ ਕਰਨੀਆਂ ਚਾਹੀਦੀਆਂ ਹਨ। ਇਸ ਮੌਕੇ ਯੂਥ ਆਗੂ ਡਾ. ਰਾਜੂ  ਢੱਡੇ, ਗਾਇਕ ਹਰਫ ਚੀਮਾ, ਲੇਖਕ ਮੱਟ ਸ਼ੇਰੋਂ ਵਾਲਾ , ਨੌਜਵਾਨ ਆਗੂ ਜਗਦੀਪ ਰੰਧਾਵਾ, ਅਮਰੀਕ ਖੋਸਾ ਟਿੱਪਣੀਕਾਰ ਅਤੇ ਢਿੱਲੋਂ ਬਠਿੰਡਾ ਵਾਲਾ ਆਦਿ ਹਾਜ਼ਰ ਸਨ।