SikhDiary

ਪੰਜਾਬ : ‘ਪੀ.ਐਮ. ਪੋਸ਼ਣ ਸਕੀਮ’ ਦੇ ਤਹਿਤ ਸਕੂਲਾਂ ਵਿੱਚ ਵਿਦਿਆਰਥੀਆਂ ਨੂੰ ਦਿੱਤੇ ਜਾਣ ਵਾਲੇ ਮਿਡ-ਡੇਅ ਮੀਲ (ਦੁਪਹਿਰ ਦੇ ਖਾਣੇ) ਲਈ ਇੱਕ ਨਵਾਂ ਹਫ਼ਤਾਵਾਰੀ ਮੀਨੂ ਜਾਰੀ ਕੀਤਾ ਗਿਆ ਹੈ। ਇਹ ਮੀਨੂ 31 ਅਕਤੂਬਰ ਤੱਕ ਲਾਗੂ ਰਹੇਗਾ। ਵਿਭਾਗੀ ਹਦਾਇਤਾਂ ਅਨੁਸਾਰ, ਵਿਦਿਆਰਥੀਆਂ ਨੂੰ ਕਤਾਰਾਂ ਵਿੱਚ ਬਿਠਾ ਕੇ ਅਤੇ ਮਿਡ-ਡੇਅ ਮੀਲ ਇੰਚਾਰਜ ਦੀ ਨਿਗਰਾਨੀ ਹੇਠ ਨਿਰਧਾਰਤ ਮੀਨੂ ਮੁਤਾਬਕ ਹੀ ਖਾਣਾ ਪਰੋਸਿਆ ਜਾਣਾ ਲਾਜ਼ਮੀ ਹੈ।ਜੇਕਰ ਖਾਣਾ ਮੀਨੂ ਅਨੁਸਾਰ ਤਿਆਰ ਨਹੀਂ ਕੀਤਾ ਜਾਂਦਾ ਜਾਂ ਹਦਾਇਤਾਂ ਦੀ ਉਲੰਘਣਾ ਕੀਤੀ ਜਾਂਦੀ ਹੈ, ਤਾਂ ਸਕੂਲ ਮੁਖੀ ਸਿੱਧੇ ਤੌਰ ‘ਤੇ ਜ਼ਿੰਮੇਵਾਰ ਹੋਣਗੇ। ਇਸ ਤੋਂ ਇਲਾਵਾ, ‘ਤਿਥੀ ਭੋਜਨ’ ਦੇ ਤਹਿਤ ਪਿੰਡ ਦੇ ਸਰਪੰਚ , ਦਾਨੀ ਸੱਜਣ ਜਾਂ ਹੋਰ ਪਤਵੰਤੇ ਸੱਜਣਾਂ ਦੇ ਸਹਿਯੋਗ ਨਾਲ ਖਾਸ ਦਿਨਾਂ, ਤਿਉਹਾਰਾਂ ਜਾਂ ਵਿਸ਼ੇਸ਼ ਮੌਕਿਆਂ ‘ਤੇ ਵਿਦਿਆਰਥੀਆਂ ਨੂੰ ਦੁਪਹਿਰ ਦੇ ਭੋਜਨ ਦੇ ਨਾਲ-ਨਾਲ ਵਿਸ਼ੇਸ਼ ਭੋਜਨ, ਫਲ ਜਾਂ ਮਿਠਾਈ ਮੁਹੱਈਆ ਕਰਵਾਉਣ ਦੇ ਉਪਰਾਲੇ ਕਰਨ। ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈਕੰਡਰੀ) ਨੇ ਸਾਰੇ ਸਕੂਲ ਮੁਖੀਆਂ ਨੂੰ ਇਨ੍ਹਾਂ ਹਦਾਇਤਾਂ ਦੀ ਪਾਲਣਾ ਯਕੀਨੀ ਬਣਾਉਣ ਦੇ ਨਿਰਦੇਸ਼ ਦਿੱਤੇ ਹਨ।ਇਸ ਪ੍ਰਕਾਰ ਹੋਵੇਗਾ ਹਫ਼ਤਾਵਾਰੀ ਮੀਨੂ : ਸੋਮਵਾਰ: ਮਾਹ-ਛੋਲਿਆਂ (ਕਾਲੇ ਛੋਲੇ ਅਤੇ ਬੰਗਾਲ ਛੋਲੇ) ਦੀ ਦਾਲ ਅਤੇ ਰੋਟੀ।ਮੰਗਲਵਾਰ: ਰਾਜਮਾਂਹ ਅਤੇ ਚੌਲ, ਨਾਲ ਖੀਰ।ਬੁੱਧਵਾਰ: ਕਾਲੇ ਛੋਲੇ ਜਾਂ ਚਿੱਟੇ ਛੋਲੇ (ਆਲੂਆਂ ਸਮੇਤ) ਅਤੇ ਪੁਰੀ ਜਾਂ ਰੋਟੀ।ਵੀਰਵਾਰ: ਕੜ੍ਹੀ (ਆਲੂ ਅਤੇ ਪਿਆਜ਼ ਦੇ ਪਕੌੜਿਆਂ ਸਮੇਤ) ਅਤੇ ਚੌਲ।ਸ਼ੁੱਕਰਵਾਰ: ਮੌਸਮੀ ਸਬਜ਼ੀ ਅਤੇ ਰੋਟੀ।ਸ਼ਨੀਵਾਰ: ਸਾਬਤ ਮਾਹ ਦੀ ਦਾਲ (ਕਾਲੇ ਛੋਲੇ), ਚੌਲ ਅਤੇ ਮੌਸਮੀ ਫਲ। ਹਫ਼ਤੇ ਦੌਰਾਨ ਕਿਸੇ ਇੱਕ ਦਿਨ ਵਿਦਿਆਰਥੀਆਂ ਨੂੰ ਮਿੱਠੇ ਪਕਵਾਨ ਵਜੋਂ ਖੀਰ ਪਰੋਸੀ ਜਾਵੇਗੀ।