ਪੰਜਾਬ ਸਰਕਾਰ ਦੇ ਕਿਰਤ ਵਿਭਾਗ ਨੇ ਕਰਮਚਾਰੀਆਂ ਲਈ ਕੀਤਾ ਅਹਿਮ ਐਲਾਨ

ਖੰਨਾ : ਪੰਜਾਬ ਸਰਕਾਰ ਦੇ ਕਿਰਤ ਵਿਭਾਗ ਨੇ 24 ਦਸੰਬਰ ਨੂੰ ਇੱਕ ਸਰਕੂਲਰ ਜਾਰੀ ਕਰਕੇ ਫੈਕਟਰੀਆਂ, ਨਗਰ ਕੌਂਸਲਾਂ ਅਤੇ ਨਗਰ ਨਿਗਮਾਂ ਵਿੱਚ ਕੰਮ ਕਰਨ ਵਾਲੇ ਕਰਮਚਾਰੀਆਂ ਲਈ ਘੱਟੋ-ਘੱਟ ਮਜ਼ਦੂਰੀ ਦਰਾਂ ਵਿੱਚ ਵਾਧਾ ਕੀਤਾ ਹੈ। ਇਹ ਨੋਟੀਫਿਕੇਸ਼ਨ 1 ਸਤੰਬਰ, 2025 ਤੋਂ ਲਾਗੂ ਕੀਤਾ ਗਿਆ ਹੈ।ਨੋਟੀਫਿਕੇਸ਼ਨ ਦੇ ਅਨੁਸਾਰ, ਹੁਣ ਰਾਜ ਵਿੱਚ ਅਨਸਕਿਲਡ (ਚਪੜਾਸੀ, ਚੌਕੀਦਾਰ ਅਤੇ ਹੈਲਪਰ ਆਦਿ) ਲਈ 11,726.40 ਰੁਪਏ, ਸੈਮੀ-ਸਕਿਲਡ (ਅਨਸਕਿਲਡ ਅਹੁਦੇ ’ਤੇ 10 ਸਾਲ ਦਾ ਤਜਰਬਾ ਜਾਂ ਨਵੇਂ ਆਈ.ਟੀ.ਆਈ. ਡਿਪਲੋਮਾ ਧਾਰਕ) ਲਈ 12,506.40 ਰੁਪਏ, ਸਕਿਲਡ (ਸੈਮੀ-ਸਕਿਲਡ ਅਹੁਦੇ ’ਤੇ 5 ਸਾਲ ਦਾ ਤਜਰਬਾ ਰੱਖਣ ਵਾਲੇ ਲੁਹਾਰ ਅਤੇ ਇਲੈਕਟ੍ਰੀਸ਼ੀਅਨ ਆਦਿ) ਲਈ 13,403.40 ਰੁਪਏ, ਹਾਈ-ਸਕਿਲਡ (ਗ੍ਰੈਜੂਏਟ ਤਕਨੀਕੀ ਡਿਗਰੀ ਧਾਰਕ, ਟਰੱਕ ਅਤੇ ਕਰੇਨ ਡਰਾਈਵਰ ਆਦਿ) ਲਈ 14,435.40 ਰੁਪਏ ਨਿਰਧਾਰਤ ਕੀਤੇ ਗਏ ਹਨ।ਇਸੇ ਤਰ੍ਹਾਂ, ਸਟਾਫ ਸ਼੍ਰੇਣੀ-ਏ (ਪੋਸਟ ਗ੍ਰੈਜੂਏਟ, ਐਮ.ਬੀ.ਏ. ਆਦਿ) ਦੇ ਲਈ 16,896.40 ਰੁਪਏ, ਸਟਾਫ ਸ਼੍ਰੇਣੀ-ਬੀ (ਗ੍ਰੈਜੂਏਟ) ਲਈ 15,226.40 ਰੁਪਏ, ਸਟਾਫ ਸ਼੍ਰੇਣੀ-ਸੀ (ਅੰਡਰ ਗ੍ਰੈਜੂਏਟ) ਲਈ 13,726.40 ਰੁਪਏ, ਸਟਾਫ ਸ਼੍ਰੇਣੀ-ਡੀ (ਦਸਵੀਂ ਪਾਸ) ਲਈ 12,526.40 ਰੁਪਏ ਨਿਰਧਾਰਤ ਕੀਤੀ ਗਈ ਹੈ।